Çin orbitdə superkompüter qurmaq üçün ilk peyklərini buraxıb!

Çin orbitə 12 yeni peyk yerləşdirməklə kosmosa əsaslanan superkompüter sisteminin əsasını qoyub. Sistem məlumatları birbaşa kosmosda emal etmək üçün nəzərdə tutulub. Layihə “Three-Body Computing Constellation” kimi təqdim edildi və məşhur elmi fantastika romanı “Üç Bədən Problemi”nin şərəfinə adlandırılıb.

Çin orbitə 12 peyk çıxarmaqla kosmosda superkompüter yaratmaq planına doğru ilk addımı atıb. Çinin bu istiqamətdə məqsədi kosmosda məlumatları Yerə ötürmədən anında emal edə biləcək bir sistem yaratmaqdır. Peyklər mayın 14-də Çinin şimal-qərbindəki Jiuquan buraxılış mərkəzindən kosmosa buraxılıb. ADA Space və Zhejiang Lab tərəfindən imzalanan bu ilk partiya 2800 peykdən ibarət kütləvi şəbəkənin başlanğıcıdır. Buraxılış “Long March 2D” raketi ilə rəvan şəkildə həyata keçirilib. Bu yeni nəsil peyklər klassik peyklər kimi sadəcə məlumat ötürmür. Tərtibatçılar qrupu bu sistemin qabaqcıl prosessorlar və süni intellekt modulları ilə təchiz olunduğunu açıqlayıb. Onun sözlərinə görə, peyklər topladıqları məlumatları birbaşa kosmosda təhlil edirlər. Beləliklə, məlumat Yerə geri göndərilmədən yerində işlənib.

Qeyd edək ki, layihə, adını məşhur elmi fantastika romanı “Üç Bədən Problemi”ndən götürüb. Bundan əlavə, sistem tamamlandıqdan sonra orbitdəki emal gücü Yerdəki superkompüterlərlə rəqabət aparacaq. Ümumiyyətlə, məlumatların yerində emal edilməsinin hərbi və kəşfiyyat əməliyyatlarında qərar vermə proseslərini əhəmiyyətli dərəcədə sürətləndirəcəyi bildirilib. Peyk əsaslı superkompüter layihəsi ilə Çin kosmosdakı mövcudluğunu texnologiyaya əsaslanan bir quruluşa çevirdiyini nümayiş etdirib.